Тропарь Небесным Чинам Бесплотным (понедельника), глас 4:

Небе́сных во́инств Архистрати́зи,/ мо́лим вас при́сно мы недосто́йнии,/ да ва́шими моли́твами оградите́ нас/ кро́вом крил невеще́ственныя ва́шея сла́вы,/ сохраня́юще ны пpипа́дающия приле́жно и вопию́щия:/ от бед изба́вите ны,// я́ко чинонача́льницы Вы́шних Сил.

Перевод с церковного на внеслужебный (русский): Небесных воинств Архистратиги, непрестанно молим вас мы, недостойные, чтобы вы оградили нас вашими молитвами под кровом крыл невещественной вашей славы сохраняя нас, припадающих усердно и взывающих: «От бед избавьте нас, как начальники Вышних Сил!»

Кондак Небесным Чинам Бесплотным (понедельника), глас 2:

Архистрати́зи Бо́жии,/ служи́телие Боже́ственныя сла́вы,/ А́нгелов нача́льницы, и челове́ков наста́вницы,/ поле́зное нам проси́те, и ве́лию ми́лость,// я́ко Безпло́тных Архистрати́зи.

Перевод с церковного на внеслужебный (русский): Архистратиги Божии, служители Божественной Славы, Ангелов начальники и людей наставники, полезное нам испросите и великую милость, как бесплотных Архистратиги.

Тропарь Божией Матери, ради иконы Её Огневидной, глас 4:

К Богоро́дице приле́жно ны́не притеце́м,/ гре́шнии и смире́ннии, и припаде́м,/ в покая́нии зову́ще из глубины́ души́:/ Влады́чице, помози́, на ны милосе́рдовавши,/ потщи́ся, погиба́ем от мно́жества прегреше́ний,/ не отврати́ Твоя́ рабы́ тщи,// Тя бо и еди́ну наде́жду и́мамы.

Перевод с церковного на внеслужебный (русский): К Богородице ныне усердно прибегнем мы, грешные и смиренные, и к Ней припадём, в покаянии взывая из глубины души: «Владычица, помоги, над нами сжалившись, поспеши, мы погибаем от множества согрешений! Не отпусти Твоих рабов ни с чем: ибо в Тебе имеем мы единственную надежду!»

Кондак Божией Матери, ради иконы Её Огневидной, глас 6:

Предста́тельство христиа́н непосты́дное,/ ходата́йство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ уско́ри на моли́тву, и потщи́ся на умоле́ние,// предста́тельствующи при́сно, Богоро́дице, чту́щих Тя.

Перевод с церковного на внеслужебный (русский): Защита христиан надёжная, Ходатайство ко Творцу неизменное! Молитвенных голосов грешников не презри, но скоро приди, как Благая, на помощь нам, с верой взывающим Тебе: «Поспеши с заступлением и ускорь моление, Богородица, всегда защищая чтущих Тебя!»

Тропарь мученицам Палестинским, глас 1:

Агницы словесныя Еннафа, Валентина и Павла, Агнцу и Пастырю,/ приведостеся мучением ко Христу,/ течение скончавше/ и веру соблюдше,/ темже днесь радостною душею совершаем, досточуднии, святую вашу память,// Христа величающе.

Кондак мученицам Палестинским, глас 4:

Страстотерпиц Христовых Еннафы, Валентины и Павлы память празднуим,/ и верою просяще помощи/ избавитися всем от всякия скорби, зовуще:/ Бог наш с нами,// Иже сих прославивый, якоже изволи.

Тропарь священномученику Константину Верецкому, глас 4:

Закона Божия учителю/ и заповедей евангельских верный исполнителю,/ священномучениче Константине,/ мученичества кровьми землю Донскyю оросил еси,/ темже молитвами твоими/ в людех любовь к Церкви Христовой возрасти// и в житии добродетельнем утверди.

Кондак священномученику Константину Верецкому, глас 3:

Равноапостольному царю тезоименитый,/ постоянство в вере Христу дaже до смерти явил еси,/ темже и нам, на молитвы твоя уповающим,/ твердое стояние в вере испроси// и душам нашим велию милость.