Тропарь воскресный, глас 1:

Ка́мени запеча́тану от иуде́й/ и во́ином стрегу́щим Пречи́стое Те́ло Твое́,/ воскре́сл еси́ тридне́вный, Спа́се,/ да́руяй ми́рови жи́знь./ Сего́ ра́ди си́лы небе́сныя вопия́ху Ти́, Жизнода́вче:/ сла́ва воскресе́нию Твоему́, Христе́,/ сла́ва Ца́рствию Твоему́,// сла́ва смотре́нию Твоему́, еди́не Человеколю́бче.

Перевод с церковного на внеслужебный (русский): Хотя камень был опечатан иудеями, и воины стерегли пречистое тело Твоё, воскрес Ты в третий день, Спаситель, даруя миру жизнь. Потому Силы небесные взывали к Тебе, Податель жизни: «Слава воскресению Твоему, Христе; слава Царству Твоему; слава промыслу Твоему, Единый Человеколюбец!»

Кондак воскресный, глас 1:

Воскре́сл еси́ я́ко Бо́г из гро́ба во сла́ве,/ и ми́р совоскреси́л еси́;/ и естество́ челове́ческое я́ко Бо́га воспева́ет Тя́, и сме́рть исчезе́;/ Ада́м же лику́ет, Влады́ко;/ Е́ва ны́не от у́з избавля́ема ра́дуется, зову́щи:// Ты́ еси́, И́же все́м подая́, Христе́, воскресе́ние.

Перевод с церковного на внеслужебный (русский): Воскрес Ты, как Бог, из гроба во славе и мир с Собой воскресил. И естество человеческое как Бога воспело Тебя, и исчезла смерть. Адам торжествует, Владыка, и Ева ныне, от уз избавляемая, радуется, взывая: «Ты, Христе, всем даруешь воскресение!»

Тропарь Введения во храм Пресвятой Богородицы, глас 4:

Днесь благоволе́ния Бо́жия предображе́ние,/ и челове́ков спасе́ния пропове́дание,/ в Хра́ме Бо́жии я́сно Де́ва явля́ется,/ и Христа́ всем предвозвеща́ет./ Той и мы велегла́сно возопии́м:// ра́дуйся смотре́ния Зижди́телева исполне́ние.

Перевод c церковного на внеслужебный (русский): В сей день – предзнаменование Божия благоволения и спасения людей предвестие: в Храме Божием Дева открыто является и Христа всем предвозвещает. Ей и мы громогласно воззовём: / «Радуйся, предначертанного Создателем исполнение!»

Кондак Введения во храм Пресвятой Богородицы, глас 4:

Пречи́стый Храм Спа́сов,/ многоце́нный черто́г и Де́ва,/ свяще́нное сокро́вище сла́вы Бо́жия,/ днесь вво́дится в Дом Госпо́день, благода́ть совводя́щи,/ Я́же в Ду́се Боже́ственном,/ Ю́же воспева́ют А́нгели Бо́жии:// Сия́ есть селе́ние Небе́сное.

Перевод c церковного на внеслужебный (русский): Чистейший Храм Спасителя, многоценный чертог и Дева, священное сокровище славы Божией, в сей день вводится в Дом Господень, вводя благодать с Собой, ту, что в Духе Божественном. Её воспевают Ангелы Божии; Она – Скиния Небесная.

Тропарь великомученику Меркурию Кесарийскому, глас 4:

Му́ченик Твой, Го́споди, Мерку́рий,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.

Перевод c церковного на внеслужебный (русский): Мученик Твой, Господи, Меркурий, подвигом своим венец нетленный получил от Тебя, Бога нашего; ибо он, имея силу Твою, мучителей низложил, сокрушил и демонов немощные дерзости. По молитвам его, Христе Боже, спаси души наши.

Кондак великомученику Меркурию Кесарийскому, глас 4:

Во бране́х непобеди́маго во́ина/ и в беда́х непосты́дна засту́пника,/ пе́сньми Мерку́рия ублажи́м, сла́вяще,/ пра́зднующия бо па́мять его́ ве́село// от бед избавля́ет и скорбе́й.

Перевод c церковного на внеслужебный (русский): В битвах непобедимого воина и в бедах неустрашимого защитника, молитвенными песнопениями Меркурия восхвалим, прославляя, ибо он избавляет от бед и скорбей всех, празднующих с радостью память его.

Тропарь великомученице Екатерине Александрийской, глас 4:

Доброде́тельми, я́ко луча́ми со́лнечными,/ просвети́ла еси́ неве́рныя мудрецы́./ И, я́коже пресве́тлая луна́ ходя́щим в нощи́/ неве́рия тьму отгна́ла еси́,/ и цари́цу уве́рила еси́,/ вку́пе же и мучи́теля обличи́ла еси́,/ Богозва́нная неве́сто блаже́нная Екатери́но,/ жела́нием востекла́ еси́ в Небе́сный черто́г/ к прекра́сному Жениху́ Христу́,/ и от Него́ ца́рским венце́м венча́лася еси́:/ Ему́же, со А́нгелы предстоя́щи,/ за ны моли́ся,// творя́щия пречестну́ю па́мять твою́.

Перевод c церковного на внеслужебный (русский): Добродетелями, как лучами солнечными, просветила ты языческих мудрецов; и, как пресветлая луна для ходящих в ночи, неверия тьму прогнала, и царицу к вере привела, а вместе с тем обличила и мучителя, Богом призванная невеста, блаженная Екатерина! С любовью взошла ты в Небесный чертог к прекрасному Жениху – Христу, и от Него увенчалась царским венцом. Ему со Ангелами предстоя, молись за нас, совершающих священную память твою.

Кондак великомученице Екатерине Александрийской, глас 2:

Лик честны́й Боже́ственне мучениколю́бцы,/ воздви́гните ны́не, почита́юще всему́друю Екатери́ну,/ сия́ бо в три́знищи Христа́ пропове́да, и зми́я попра́,// ри́торов ра́зумы укроти́вши.

Перевод c церковного на внеслужебный (русский): Ликование священное начните ныне Боговдохновенно, любящие мучеников, почитая премудрую Екатерину. Ибо она подвигом своим провозгласила о Христе и змея попрала, знание риторов презрев.