Тропарь всем святым (субботы), глас 2:

Апо́столи, му́ченицы и проро́цы,/ святи́телие, преподо́бнии и пра́веднии,/ до́бре по́двиг соверши́вшии и ве́ру соблю́дшии,/ дерзнове́ние иму́ще ко Спа́су,/ о нас Того́, я́ко Бла́га, моли́те,// спасти́ся, мо́лимся, душа́м на́шим.

Перевод с церковного на внеслужебный (русский): Апостолы, мученики и пророки, святители, преподобные и праведные, подвиг доблестно совершившие и веру сохранившие, дерзновение пред Спасителем имея, Его за нас, как благого, умолите, молимся, во спасение душам нашим!

Кондак всем святым (субботы), глас 8:

Я́ко нача́тки естества́, Насади́телю тва́ри,/ вселе́нная прино́сит Ти, Го́споди, богоно́сныя му́ченики;/ тех моли́твами в ми́ре глубо́це// Це́рковь Твою́, жи́тельство Твое́ Богоро́дицею соблюди́, Многоми́лостиве.

Перевод с церковного на внеслужебный (русский): Как первые плоды природы Насадителю всего творения вселенная приносит, Тебе, Господи, богоносных мучеников. Их мольбами и ходатайством Богородицы, Церковь Твою – Твой народ в мире глубоком сохрани, Многомилостивый.

Тропарь за умерших (субботы), глас 2:

Помяни́, Го́споди, я́ко благ, рабы Твоя́,/ и, ели́ка в житии́ согреши́ша, прости́:/ никто́же бо безгре́шен, то́кмо Ты,// моги́й и преста́вленным да́ти поко́й.

Перевод с церковного на внеслужебный (русский): Помяни, Господи, как Благой, рабов Твоих и всё, в чем они в жизни согрешили, прости: ибо никто не безгрешен, кроме Тебя. Ты можешь и преставившимся дать покой.

Кондак за умерших (субботы), глас 8:

Со святы́ми упоко́й,/ Христе́,/ ду́ши раб Твои́х,/ иде́же несть боле́знь, ни печа́ль,/ ни воздыха́ние,// но жизнь безконе́чная.

Перевод с церковного на внеслужебный (русский): Со святыми упокой, Христе, души рабов Твоих, там, где нет ни боли, ни скорби, ни стенания, но жизнь бесконечная.

Тропарь Преполовения Пятидесятницы, глас 8:

Преполови́вшуся пра́зднику,/ жа́ждущую ду́шу мою́ благоче́стия напо́й вода́ми,/ я́ко всем, Спа́се, возопи́л еси́:/ жа́ждай да гряде́т ко Мне и да пие́т./ Исто́чниче жи́зни на́шея,// Христе́ Бо́же, сла́ва Тебе́.

Перевод c церковного на внеслужебный (русский): На середине праздника жаждущую душу мою благочестия напои водами, ибо всем, Спаситель, Ты воззвал: «Жаждущий пусть идет ко Мне и пьёт». Источник жизни нашей, Христе Боже, слава Тебе!

Кондак Преполовения Пятидесятницы, глас 4:

Пра́зднику зако́нному преполовля́ющуся,/ всех Тво́рче и Влады́ко,/ к предстоя́щим глаго́лал еси́, Христе́ Бо́же:/ прииди́те и почерпи́те во́ду безсме́ртия./ Те́мже Тебе́ припа́даем, и ве́рно вопие́м:/ щедро́ты Твоя́ да́руй нам,// Ты бо еси́ Исто́чник жи́зни на́шея.

Перевод c церковного на внеслужебный (русский): На середине праздника законного Ты, Творец всего мира и Владыка, возглашал присутствующим, Христе Боже: «Приходите и зачерпните воды бессмертия!» Потому мы припадаем к Тебе и с верой взываем: «Даруй нам милости Твои, ибо Ты – источник жизни нашей!»

Тропарь священномученику Василию Амасийскому, глас 4:

И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Васи́лие,/ моли́ Христа́ Бо́га спасти́ся душа́м на́шим.

Перевод с церковного на внеслужебный (русский): И нравам Апостольским сопричастником и престола их наследником став, делами ты, богодухновенный, восхождения к созерцанию достиг; потому слово истины право возвещая, ты за веру пострадал до крови, священномученик Василий, ходатайствуй пред Христом Богом о спасении душ наших.

Кондак священномученику Василию Амасийскому, глас 4:

Царе́во повеле́ние преоби́дев,/ Ца́рство Небе́сное получи́л еси́, Васи́лие,/ в не́мже лику́я,/ помина́й нас, чту́щих па́мять твою́,// священному́чениче.

Перевод с церковного на внеслужебный (русский): Презрев повеление царя ты получил Небесное Царство, Василий, в нём же торжествуя, вспоминай нас, почитающих память твою, священномученик.

Тропарь святителю Стефану Великопермскому, глас 4:

Боже́ственным жела́нием/ от ю́наго во́зраста, Стефа́не прему́дре, разже́гся,/ яре́м Христо́в взял еси́/ и люде́й олядене́вшая дре́вле неве́рием сердца́,/ Боже́ственное се́мя в них се́яв,/ ева́нгельски духо́вне породи́л еси́./ Те́мже пресла́вную твою́ па́мять почита́юще, мо́лим тя:/ моли́, Его́же пропове́дал еси́,// да спасе́т ду́ши на́ша.

Перевод с церковного на внеслужебный (русский): Устремлением к Богу с юного возраста, Стефан премудрый, ты воспламенился, поднял иго Христово и людей, чьи сердца издавна заросли сорной травой неверия, посеяв в них Божественное семя, ты евангельски духовно породил. Потому, почитая твою преславную память, молим тебя: моли, Кого ты проповедал, о спасении наших душ.

Кондак святителю Стефану Великопермскому, глас 8:

Самозва́нен не и́щущим тебе́, святи́телю, обре́лся еси́,/ лю́ди, от и́дольския ле́сти свободи́в, ко Христо́ве ве́ре приве́л еси́/ и волхва́ пансо́тника посрами́л еси́,/ те́мже и пе́рвый епи́скоп и учи́тель Пе́рми был еси́./ Сего́ ра́ди духо́вная твоя́ ча́да,/ я́ко тобо́ю изба́вльшеся от и́дол, благода́рная тебе́ возопие́м:// ра́дуйся, Стефа́не, учи́телю прему́дрый.

Перевод с церковного на внеслужебный (русский): По своему призванию, к людям не желавшим тебя, святитель, ты явился и, освободив от идольского обольщения, привёл ко Христовой вере и главного языческого жреца ты посрамил, потому и стал первым епископом и учителем Перми. Поэтому духовные твои дети, как избавившиеся благодаря тебе от идолов, вознесём тебе благодарственные молитвы: «Радуйся, Стефан, учитель премудрый».